Tomkeradio is der foar bern tusken de 2 en 7 jier âld. De hiele dei binne der sawol ferskes as ferhaaltsjes te hearren op it ritme fan de dei. Dat betsjut: moarns ferskes en ferhaaltsjes foar de lytste bern en middeis ferskes en ferhaaltsjes foar de wat gruttere bern. En wa lêst der fan ‘e jûn foar? Tomkeradio fansels! Om bêdtiid hinne binne der in oere lang Tomke ferhaaltsjes te hearren op de stjoerder.